Shkaku i vizitës sime të dytë në Shqipëri

   Sa i përket shkakut të vizitës sime të dytë në Shqipëri po them se disa nga të dashurit dhe nxënësit tanë të mëparshëm më kishin ftuar për të vizituar dhe kuruar disa të sëmurë por nuk mora guximin për të shkuar vetëm pasi disa imamë dhe një myfti dërguan ftesë zyrtare për të vizituar Shqipërinë, jo për kurimin e të sëmurëve por për të organizuar një kurs trajnimi në fushën e mjekësisë profetike si dhe për të mbajtur ligjërata nëpër xhami për t'u sqaruar dhe qartësuar njerëzve çështje që kanë të bëjnë me mjekësinë profetike. Më gëzoi një ide e tillë e cila nxjerr në pah dëshirën e tyre për të mësuar rrugët e sakta të kurimit, qartësimin e tyre tek njerëzit si dhe këshillimi i tyre për të mos shkuar tek magjistarët dhe fallxhorët.

   Kështu myftiu i qytetit të Elbasanit në emër të myftinisë më dërgoi ftesë për të vizituar Shqipërinë dhe për të organizuar kurs trajnimi për çështjet e rukjes (Mbrojtja dhe kurimi i magjisë, prekjes nga xhindi, mësyshit dhe hasedit).

   Iu luta Allahut e çështjet m'u lehtësuan shumë edhe pse marrja e vizës ka vështirësi.

   Caktova programin e kursit për dy javë dhe në vijim po përmend si shembull programin e javës së parë.   

Programi i javës së parë duke filluar nga 05/11/2007

Çfarë më shtyu më tepër për të shkuar:

1-      Rëndësia e këtij kursi për të përgatitur kurues fetarë që kurojnë sipas Kur`anit dhe Sunetit dhe luftojnë magjistarët.

2-      Dyfishimi i numrit të pjesëmarrësve nga ata që ishin caktuar, ishin 49 dhe u pakësuan më vonë deri në 34 vetë.

3-      Shumica e tyre ishin imamë xhamish, të tjerët myftinj, kurues dhe persona që bënin hixhame.

4-      Organizimi dhe përgatitja qe e mirë edhe pse ishte hera e parë që organizohej një kurs i tillë.

5-      Nevoja që kishin të sëmurët me magji, hased dhe prekje xhindësh, për të dëgjuar nga arabët rreth kësaj teme sepse i respektonin shumë arabët. Shpejtova për të shkuar përpara se këtë ta bënte ndonjë magjistar arab i cili do t'i kishte futur në humbje dhe do t'i kishte çuar drejt kufrit dhe shirkut siç ka ndodhur me stacionet televizive të magjistarëve dhe fallxhorëve të cilët bënë që të humbasin familje të tëra pas tyre.

6-      Numri i madh i magjistarëve dhe fallxhorëve. Dy javë pas shkuarjes sime një prej magjistarëve më të mëdhenj organizoi kursin e parë për përgatitjen e magjistarëve. Por kjo ndodhi pasi kishim folur dhe sqaruar rrezikun e magjisë në mësime dhe ligjërata nëpër xhami si dhe në një televizion shqiptar i cili bëri dobi të madhe tek njerëzit.